Þarf að skoða

Heimilisofbeldi, af hvaða toga sem er, á ekki að líðast. Fram til þessa hefur fókusinn fyrst og fremst verið á ofbeldi karla gegn konum. En hitt er líka til, að konur beiti maka sína ofbeldi. Það er, eins og réttilega er bent á hér, falið vandamál því karlar virðast tregari til að viðurkenna að þeir séu beittir slíku ofbeldi.

Raunar er margt í stöðu karla sem kallar á frekari rannsóknir. Heimilisofbeldi gegn körlum er eitt. Staða drengja í skólakerfinu er annað. Ef staða stúlkna í skólakerfinu væri sú sem staða drengjanna er hygg ég að margir teldu mikla þörf á úrbótum. Þeir standa sig ver í námi en telpur og brottfall pilta úr námi á framhaldsskólastigi er mun meira en brottfall stúlkna. Þessu þarf að gefa gaum og grípa til aðgerða.

Heimilisofbeldi gegn körlum óþekkt stærð

Athugasemdir

[Sigurður Þór Guðjónsson, 12.7.2009 kl. 21:59]

Erlendis sýna rannsóknir að mæður beita börn sín oft líkamlegu ofbeldi eða meiðingum, jafnvel fremur en feður enda ''eðlilegt'' þar sem þær eru meira með börnunum. En um þetta má ekki tala hér á landi, fyrir nú utan um allt annað sem ekki má tala um.

[Einar (IP-tala skráð) 12.7.2009 kl. 22:34]

Þarf að skoða? það er búið að margskoða þetta,ég er með ca 10 fræðigreinar um þetta í tölvunni minni.. það er búið að skoða þetta alveg nægilega mikið , hinsvegar á eftir að viðurkenna að þetta sé til staðat  og hætta að láta þetta viðgangast

[Eyþór Örn Óskarsson (IP-tala skráð) 12.7.2009 kl. 22:40]

Vissulega eru bæði kynin jöfn þó þau séu ekki eins, sem betur fer - konum er í flestum tilfellum auðveldara að ræða vandamál sín innan síns hóps en körlum, sem frekar byrgja þau inni.

Þetta eru eðlileg og uppeldisleg einkenni kynjanna, sem hefur viðgengist nánast frá upphafi mannkyns - samstíga eru hjón sterk, en vissulega geta komið brestir í samstarfið og er það viðurkennd staðreynd að vegna líkamsburða "hentar" það betur konunni að beita svokölluðu "andlegu ofbeldi" sem getur falist í lítillækkun makans á ýmsum sviðum - ég er ekki að gera því skóna að þetta sé reglan í ofbeldismálum en engu að síður væri forvitnilegt að vita í hve mörgum tilfellum undanfari líkamlegs ofbeldis er andlegt ofbeldi makans - 

má þar með skoða þá sögu að "hrekir þú dýrið inn í horn og lokar undankomuleið, er viðbúið að það stökkvi á þig"...........