Hvað gera þingmenn VG?

Það hlýtur að þurfa að upplýsa hvað þingmenn VG ætla að gera áður en farið er að ögra þingmönnum stjórnarandstöðunnar um hvað þeir ætla að gera gagnvart Icesave málinu.

Síðan þarf ríkisstjórnin að taka sig saman í andlitinu og útskýra fyrir þjóðinni af hverju við eigum engan annan kost en að borga. En það svosem lítur þannig út að það kunni að vera raunin, því miður.

Strandi Icesave, strandar allt

Athugasemdir

[Sigurdur (IP-tala skráð) 26.6.2009 kl. 16:12]

Það er marg búið að útskýra af hverju við eigum engra annara kosta völ, því miður.

Það væri frekar að þið Sjálfstæðismenn, útskýrðuð  með heilt fótboltalið af lögfræðingum, hvernig þið komið okkur  í þessa stöðu? 

Einkavinavæddu bankana, afhentu þeim mönnum sem höfðu ekkert vit á því hvernig reka ættu bankana, og höfðu setið í gæsluvarðhaldi fyrir efnahagsbrot. 

Og svo ætli þið Sjálfstæðismenn að greiða atkvæði gegn þessum samningi, ég segi bara svei attan.

[Púkinn, 26.6.2009 kl. 16:17]

Það lítur út fyrir það, já, samanber það sem ég segi hér?  Það eru nefnilega tvö mál - annars vegar hvort við samþykkjum skuldbindinguna um að borga Icesave og hins vegar hvort við samþykkjum þessa tilteknu útfærslu....og 5.5% vextina.  Menn geta verið ósammála útfærslunni með ýmsum rökum, en miðað við það sem á undan er gengið sé ég ekki hvernig eigi að hafna skuldbindingunni.

[Sigurður Þórðarson, 26.6.2009 kl. 20:52]

Dögg, ef það er raunin að við sem þjóð sætum fjárkúgun skulum við upplýsa það og umfram alla muni ekki kyssa á vöndinn.