Skjaldborgin, hvar er hún?

Ég bloggaði fyrr í dag um að kannski hefði átt að taka þessa liði útúr neysluvísitölunni. Eftir að lesa um það hvað þessi hækkun kostar fjölskyldur og fyrirtæki í hækkun lána verður að spyrja: Af hverju var ekki samhliða ákveðið að taka þessa liði úr neysluvísitölunni? Eiga fjölskyldurnar og fyrirtækin í landinu það skilið frá ríkisstjórninni að svona sé komið fram við þau -ofan á allt annað sem yfir þau er látið dynja? Skjaldborgin? Það er ekki furða þó enginn tali um hana lengur. Enda virðist hún aldrei hafa verið annað en lélegur brandari af hálfu ríkisstjórnarinnar.

Ríkið fær 2,7 milljarða - lánin hækka um 8 milljarða

Athugasemdir

[Sigurður Haukur Gíslason, 28.5.2009 kl. 23:22]

Því miður þá voru þessar skattahækkanir nauðsynlegar. En ég er sammála þér að það er óþarfi að það hækki húsnæðislánin í leiðinni.

[Marinó G. Njálsson, 28.5.2009 kl. 23:26]

Aftenging vísitölunnar gæti verið ein lausn.

[Sindri Karl Sigurðsson, 28.5.2009 kl. 23:49]

Sammála Marinó,

Ekkert sem segir að það megi ekki aftengja vísitöluna tímabundið (líkt og hún var tímabundið sett á).

Miðgarðsormurinn mættur í allri sinni dýrð.

[Björg F (IP-tala skráð) 29.5.2009 kl. 01:11]

Vegna þess að þessi hækkun var ekki gerð til þess að auka tekjur ríkissjóðs með hækkuninni sjálfri.

Þeir eru að reyna að ná auknum tekjum einmitt með því að láta hana koma fram í hækkun verðtryggingar.. styrkja eiginfjársstöðu bankana aðeins betur.

Þessi tvískynnungsleikur er augljós fyrir hvern það sem vil sjá. Auðvitað voru þeir meðvitaðir um afleiðingarnar. Steingrímur er enginn hálfviti..

En hann er greinilega ekki að fylgja samt hjarta sínu þessa dagana.

Við eigum einfaldlega að hætta að taka þátt í þessum leik og HÆTTA að borga lánin okkar þangað til að verðtrygging verður afnumin og lán leiðrétt.

Við verðum að fara að koma okkur upp úr þessari þrælslund kæru Íslendingar. Við verðum og við getum. Verum hugrökk :)

[Gunnlaugur Ingvarsson (IP-tala skráð) 29.5.2009 kl. 08:11]

Öll stjórnmálastéttin er komin með ESB hland fyrir hjartað og því eru þeir nú næstum því á einu máli að aðalmálið sé að sameinast um það að slá skjaldborg um ESB umsókn landsins.

Þetta eru ljótu heybrækurnar og hrein svik við þjóðina.

[Jakob Þór Haraldsson (IP-tala skráð) 29.5.2009 kl. 13:01]

Kæra Dögg, það verður set upp TJALDBORG 17. júní - nokkur sölutjöld, en þú getur alveg gleymt þessari skjaldborg...

kv. Heilbrigð skynsemi

[itg (IP-tala skráð) 29.5.2009 kl. 15:39]

Björg,

Nákvæmlega þetta sem er í gangi og ekkert annað.  Það skiptir engu hvernig peningarnir koma inn í bókhaldið..." Bara að þeir komi "