Slæmt er, ef satt er ...

Framkvæmdastjóri Sjálfstæðisflokksins hlýtur að tjá sig nánar um þetta, jafnvel þótt lög um fjárreiður stjórnmálaflokkana hafi ekki verið gengin í gildi á þessum tíma.

Nýlega birtust upplýsingar um styrki félaga til stjórnmálaflokkanna árið 2007 á grundvelli nýrrar löggjafar. Samanburður milli stjórnmálaflokka leiðir í ljós að flest stórfyrirtæki styrkja samtímis flesta ef ekki alla stjórnmálaflokkana. Nánari skoðun ársreikninga flokkanna 2007 sýnir að Framsóknarflokkurinn, íslandshreyfingin, Samfylkingin og VG fengu 300.000 kr. styrk frá FL Group árið 2007. Sjálfstæðisflokkurinn og Frjálslyndir fengu ekki fjárstyrk frá FL Group 2007. Þetta kemur fram í frétt sem ég bloggaði við hér.

Tímasetning þessara "upplýsinga" er engin tilviljun. "Upplýsingunum" er komið á framfæri til að koma hámarkshöggi á Sjálfstæðisflokkinn enda sýna blogg við fréttina að bloggarar eru, að vonum og með réttu, undrandi og hneykslaðir. Það er ég líka.

30 milljóna styrkur

Athugasemdir

[Þór Jóhannesson, 8.4.2009 kl. 01:40]

Þetta er aumasta yfirklór sem sést hefur til handa spillingunni. Er ekki til EINN sjáftæðismaður sem kann að skammast sín?

[Sigfús (IP-tala skráð) 8.4.2009 kl. 11:42]

Sæl Dögg.

Nú ríður á fyrir þinn flokk að gera hreint, ekki það að lög hafi verið brotin en nú á að "mála allann heiminn " upp á nýtt, auka siðferði, nýtt Ísland.

Jafnvel þinn glænýji formaður lofaði í jómfrúarræðu sinni að nú ætlaði þinn ágæti flokkur að fara vinna fyrir fólkið. Ljóst þykir mér að Bjarni verður núna að taka fram gúmmíhanskana og taka vel til.

Hitt er annað, margir telja sin nú sjá samfellu í mörgu sem þinn flokkur gerði í ríkistjórn á þessum tíma og téður styrkur var veittur. Var til að mynda þetta ofarlega í huga Geir H. Haarde þegar hann stóð í ræðustól Alþingis og taldi það óráðlegt að aðskilja fjárfestinastarfsemi frá hefðibundinni bankastarfsemi.

Var þá FL group ekki einn af eigendum Glitnis ?

 Pæling.

[Carlos Ferrer (IP-tala skráð) 8.4.2009 kl. 13:02]

Hvernig væri að setja hlutina í dálítið annað samhengi? Ég vil fá fjárreiður allra flokka og þingmanna upp á borð, strax.