Þetta gengur hægt ...

Það er eiginlega með ólíkindum hvað það tekur langan tíma að ganga frá samkomulagi sem standa á í örfáa mánuði hjá ríkisstjórn sem einungis er bráðabirgðaríkisstjórn. Svo hefur heyrst að Alþingi "fái frí" í eina eða tvær vikur eftir að stjórnin verður mynduð svo tóm gefist til að semja nauðsynleg lagafrumvörp. Misskildi ég - var ekki verið að tala um að efla Alþingi og minnka ráðherraræðið?

Svo er athyglisvert að sjá, eins og annar bloggari hefur bent á, að ríkisstjórnin virðist komin með sérstakan blaðafulltrúa. Það vekur sérstaka athygli að þarna segir "blaðafulltrúinn" að kosningarnar verði í apríl, maí eða júní. Ekki hef ég heyrt júní nefndan hjá forsvarsmönnum Samfylkingar eða VG. En "blaðafulltrúinn" veit greinilega eitthvað meira en aðrir.

Næstu skref í stjórnarmyndun

Athugasemdir

[Þórdís Bára Hannesdóttir, 29.1.2009 kl. 15:34]

Þrátt fyrir að mitt mottó hafi verið og verði  ,,allt er betra en íhaldið" vildi ég óbreytt ástand (óstand) fram á vor af hræðslu við að illa gengi að semja um nýja stjórn með VG í farteskinu.

[Einar Áskelsson (IP-tala skráð) 29.1.2009 kl. 17:24]

Ætli krafa og frumvarp Framsóknar um stjórnlagaþing tefji viðræður enn meira?  En var ekki ÓRG búinn að setja einhver tímamörk? En þessi stjórn verður skipuð þrátt fyrir að flokkarnir séu ekki sammála um allt.

[Finnur Bárðarson, 29.1.2009 kl. 17:44]

Ein vika í mínu lífi a.m.k. er óhugnanlega stuttur tími.