Bankaræningjar?

Svo kvarta þessir menn í sjónvarpsviðtölum yfir því að þeim sé úthúðað af almenningi sem fjárglæframönnum. Fyrr í vetur bloggaði ég um að í Bandaríkjunum væri sagt: The best way to rob a bank is to own one.Mér sýnist að það sé nákvæmlega þetta sem a.m.k. sumir eigendur Kaupþings hafi verið búnir að átta sig á og notfært sér til hins ýtrasta. Og öll háttsemin sýnir glögglega að þeir vissu hvert stefndi, sbr. síðbúinn fundur í lánanefnd til að staðfesta ótilgreindan fjölda lána, sem þegar var búið að veita. Og ekki er að heyra að efnahagsbrotadeildin sé að gera neitt og Fjármálaeftirlitið dundar sér við að rannsaka málin svo mánuðum skiptir.

Milljarðalán án áhættu

Athugasemdir

[Gullvagninn (IP-tala skráð) 20.1.2009 kl. 08:32]

Er hægt að gera eitthvað?  Er þetta ekki allt löglegt og fínt? 

[Flosi Kristjánsson, 20.1.2009 kl. 10:25]

Menn eru náttúrlega með óbragð í munni eftir tilraunir til að krukka í Hafskip og Baug, eins og fram kom hjá fræðimanni í fjölmiðlum í gær. 

Svigrúm til athafna jókst stórum við gildistöku ákvæða samningsins um Evrópska efnahagssvæðið, en það er spurning hvort menn gerðu sér grein fyrir því hverja skyldur því fylgdu um eftirlit og utanumhald.

Ég hygg að þeir flokkar sem hafa deilt stjórnartaumum á landinu frá því vorið 2007, séu nokkuð samstíga um að hér skuli rekið hagkerfi með nokkuð ákveðnum markaðsáherslum. Þrátt fyrir allt sem á hefur gengið, munu þeir líta svo á að frelsi til athafna sé það sem gefst best. Þetta er og hefur verið hryggjarstykkið í stefnu Sjálfstæðisflokksins og forystumenn Samfylkingarinnar eru ófeimnir við að játa því að markaðshagkerfi hafi að sönnu sína kosti.

Hinu mega þeir svo ekki gleyma, að frelsi og hömluleysi er ekki sami hluturinn, og það er ekkert að því að taka í hnakkadrambið á pörupiltum sem hyggjast starfa utan við lög og velsæmi.