Óvænt og jafnvel óskynsamlegt

Val McCains kemur á óvart og vekur undrun. Í umfjöllun í Bandaríkjunum er bent á að valið á Palin geri hjákátlegar árásir McCain á reynsluleysi Obama. Slíkar ásakanir verði að engu þegar reynsla Palin sé skoðuð.

Ekki veit ég það - minnist þess ekki að hafa heyrt minnst á þennan ríkisstjóra fyrr. En ég fann smáband með henni og upplýsingar sem segja frá því að hún sé fv. fegurðardrottning, blaðamaður og bæjarstjóri í 9000 manna bæ í Alaska, áður en hún var kosin ríkisstjóri Alaska fyrir tveimur árum. Kannski hefur einhverjum köflum um hana verið sleppt. Vonandi.

Nú er búið að kynna til leiks alla aðalleikendurna í forsetakosningunum í Bandaríkjunum í nóvember nk. Það verður bara spennandi að fylgjast með framhaldinu. En ég held að þetta val haf ekki styrkt McCain með þeim hætti sem hann sjálfsagt ætlaðist til að það gerði.

Hver er Sarah Palin?

Athugasemdir

[Halldór Halldórsson (IP-tala skráð) 29.8.2008 kl. 17:47]

Mun hið fornkveðna sannast, að "konur eru konum verstar"??

[Hulda Elma Guðmundsdóttir, 29.8.2008 kl. 17:57]

Er hrædd um að þetta útspil McCain leiði hann til sigurs. Hann fær út á þessa konu öll atkvæði þeirra kvenna sem studdu Hillary Clinton.

[Haukur Nikulásson, 29.8.2008 kl. 18:10]

Þetta er hreint ekki vitlaust val séð út frá ímyndarsmíði. Bráðmyndarleg ung kona sem ekki mun gnæfa yfir hinn lágvaxna McCain (170cm). Það hefði verið erfitt að vera með hávaxinn karlkyns meðframbjóðanda og auk þess er taktískt rétt að hafa konu sem meðframbjóðanda til að höfða til þeirra sem vildu Hillary Clinton.

[Edda (IP-tala skráð) 30.8.2008 kl. 02:24]

En Benóný... af hverju í ósköpunum ráðlagðir þú honum ekki að fá sér kvenkyns blökkumann???  Þið hefuð grætt feitt á því!!!

[Kolbrún Baldursdóttir, 31.8.2008 kl. 11:00]

Held einmitt að þetta val muni tryggja honum aukið fylgi sérstaklega úr  hópi kvenna, blökkumanna og fjölmargra minnihlutahópa.  Með vali á Palin hefur meira jafnvægi náðst milli þessara tveggja frambjóðenda sem hugsanlega leiðir til þess að tæpt verður á með þeim.

[Dögg Pálsdóttir, 31.8.2008 kl. 11:56]

Það verður vissulega fróðlegt að fylgjast með hvort val á konu sem varaforsetaefni hjálpi McCain. Bandarískir fréttaskýrendur fullyrða að Palin sé engin Clinton og að konur sem studdu Clinton muni ekki flykkja sér um McCain af því að hann valdi konu sem varaforseta. Það má ekki gleyma að Palin stendur fyrir mörg mjög íhaldssöm og umdeild gildi í bandarískri pólitík. Fréttir herma að hún sé á móti fóstureyðingum, að hún vilji ekki takmarka byssueign o.s.frv. Ég held að skoðanir hennar skipti meira máli en það hvort hún sé falleg á að horfa. Enda var hún væntanlega valin útaf hæfileikum en ekki útliti, þótt kynferði hennar kunni að hafa gert útslagið með valið.