Óttalega

er það ósmekklegt af "vinum" okkar og frændum Norðmönnum að tala svona um okkur.

Fátæka Ísland fyrst til Haítí

Athugasemdir

[Sveinn Ásgeirsson (IP-tala skráð) 13.1.2010 kl. 23:28]

ég myndi segja þetta gott, aðeins að lyfta okkur á hærra plan, okkur veitir nú ekkert af betra umtali í umheiminum um okkur

[Smjerjarmur, 13.1.2010 kl. 23:42]

Ég hélt að á nýja Íslandi væri fátækt ekki skömm. 

Hins vegar fagna ég þeirri góðu landkynningu sem björgunarmennirnir íslensku eru. 

[Skarfurinn, 13.1.2010 kl. 23:43]

Þú misskilur herfilega, þeir eru einmitt að vekja athygli á að þeir blönkustu skuli samt vera fyrstir til að aðstoða eftir skjálftann mikla, svo þetta er hrós en alls ekki níð..

[ingolfur (IP-tala skráð) 13.1.2010 kl. 23:48]

En orðstír deyr aldrei þeim er góðan sér getur.

[Jón Valur Jensson, 14.1.2010 kl. 00:10]

Dögg, þeir gætu einmitt hafa meint þetta með jákvæðri aðdáun.

Ég hef séð ljótari hluti en þetta hjá Norðmönnum að undanförnu, þegar sumir þeirra vilja í hroka gera okkur að 20. héraði sínu!

[Axel Pétur Axelsson, 14.1.2010 kl. 00:12]

Það er misskilingur að Ísland sé fátækt, Ísland á nóg fyrir alla Íslendinga ef rétt er skipt.

[Friðrik Hansen Guðmundsson, 14.1.2010 kl. 01:08]

Sæl Dögg

Ég er sammála Skarfinum. Við megum ekki misskilja þetta. Allir Norðmenn sem lesa þessa frétt skilja þetta sem mikið hrós. Þessi norski blaðamaður er að hrósa okkur í hásterkt.

Hann er að segja að lífið hjá okkur Íslendingum snúist ekki um peninga. Þegar aðstoðar er þörf þá erum við mætti fyrstir manna þó svo við höfum tapað fullt af peningum og sitjum hér stórskuldug eftir bankahrunið.

Þessi frétt er skrifuð fyrir Norðmenn og þessi frétt mun snerta strengi í hjörtum margar Norðmanna.

[Óli Tómas (IP-tala skráð) 14.1.2010 kl. 02:44]

Hvernig í ósköpunum ferðu að því að lesa eitthvað neikvætt út úr þessari frétt?

[Eðvarð Hlynur Sveinbjörnsson, 14.1.2010 kl. 08:36]

Ég skil ekki hvernig svo margir geta lesið þetta sem neikvæða frétt. Er fólk kannski búið að festa neikvæðu gleraugun á sig á síðustu og verstu.

[Þorgeir Ragnarsson (IP-tala skráð) 14.1.2010 kl. 09:34]

"Er fólk kannski búið að festa neikvæðu gleraugun á sig á síðustu og verstu."

Ja, ef menn fylgjast eitthvað með bloggi þá gætu menn sannfærst um að þetta sé tilfellið. Það er varla hægt að segja að umræða þar um nokkurn hlut geti kallast yfirveguð.

[Einar Björn Bjarnason, 14.1.2010 kl. 12:11]

Maðurinn sem Ísland þarf á að halda - fundinn. Alþjóðlegur sérfræðingur í skuldaskilum ríkja, tjáir sig um vanda Íslands, og er harðorður!

Ég er að tala um frábæra grein, Prófessors Sweder van Wijnbergen, við háskólann við Amsterdam, í NRC Handelsblad. Sá maður er einmitt, sérfræðingur í skuldaskilum ríkja. "Sweder van Wijnbergen - worked for 13 years at the World Bank, and was lead economist for Mexico and Central America during the negotiations on Mexican debt."

Svo þessi maður, veit allt sem vita þarf, um afleiðingar skuldakreppu! Hann þekkir þessi mál út og inn, fyrst hann var starfandi hjá Heimsbankanum, einmitt á þeim árum, er mörg lönd í 3. heiminum, gengu í gegnum fræga skuldakreppu

Sjá grein:  Iceland needs international debt management

Þetta er að mínum dómi, merkilegasti einstaklingurinn sem tjáð sig hefur opinberlega um málið, og fullyrðing hans "A debt of three or four times GDP cannot be repaid, and therefore will not be repaid" - skal skoðast sem hreinn sannleikur máls, fyrst það kemur frá honum.

Prófill Sweder van Wijnbergen

Fáum þennann mann til landsins!!!

Kv.

[Anna Björg Hjartardóttir (IP-tala skráð) 14.1.2010 kl. 15:09]

Já Einar, endilega fá þennan prófessor til að aðstoða okkur.

Svo erum við svo ljónheppin að hafa Ólínu Þorvarðar og sjómanninn til að yfirfara allar villurnar hjá honum og kenna honum betur fræðin sín. Þegar þau verða búin að lesa honum rækilega pistilinn geta þau sagt honum að snauta hið bráðasta heim til sín og vera ekki að reyna að eyðileggja fyrir okkur inngöngu okkar í ESB. Þangað ætlar ríkisstjórnin fara með okkur þar sem atvinnuleysi er í mikilli sókn og lýðræði í hröðu undanhaldi.

[Tryggvi Gíslason (IP-tala skráð) 14.1.2010 kl. 18:17]

Eins og ég les fréttina á netsíðu NRK er aðdáun í orðunum: að land, sem lent hefur í miklum fjárhagserfiðleikum, skuli verða fyrst til þess að senda hjálparsveit til Haítí.

[Halla Rut , 15.1.2010 kl. 22:32]

Er ekki betra einmitt núna að þjóðir telji okkur fátæk. Nota trompin á meðan við erum með þau á hendi.

[Jón Valur Jensson, 15.1.2010 kl. 23:05]

Segðu þetta ekki, Halla Rut. Það er fullt af ungu fólki og miðaldra, sem á ekki lengur íbúðina sína. Það var m.a.s. verið að "gera vel" við þá sem skulda Landsbankanum íbúðalán um daginn – verið að færa niður áhvílandi lán úr einhverju himinháu niður í 110% af matsverði þeirra! Þetta er nú öll ofrausnin hjá ríkisbankanum – menn fá ekki bara að vera eignalausir, heldur skulda 10% ofan á íbúðarverðið!

[Halla Rut , 15.1.2010 kl. 23:11]

Þú ert að misskilja mig Jón Valur. Ég er að meina að það sé allt í lagi að erlendir fréttamenn segi okkur fátæk á meðan útlendingar reyna að troða þessum IceSave samningnum ofan í okkur fyrir augum allra í heimi.

Ég hef alla samúð með þeim sem misst hafa yfirráð yfir sínum eigum vegna órasíu bankamanna, lélegar stjórnmálamanna og kolvitlausra samninga við útlönd.

[Jón Valur Jensson, 15.1.2010 kl. 23:36]

Já, mörg okkar eru fátæk, þjóðarbúið skuldar gríðarlega, það er bara ekki skollið á okkur af fullum krafti, fjarri því (m.a.s. uppboðum verið frestað – en ekki endalaust), enda er þessi ríkisstjórn í því að pissa í skóinn sinn í stað raunhæfra úrræða til bjargráða.